ചെറുതോണി: സാൻജോസ് മെട്രോപോളിറ്റൻ സ്കൂൾ, തലശ്ശേരിയിൽ നടന്ന യുവജന സംഘടനയായ കെ.സി.വൈ.എം ന്റെ സംസ്ഥാനതല തെരഞ്ഞെടുപ്പിൽ ഇടുക്കി രൂപതയിൽ നിന്നുള്ള സാം സണ്ണി വൈസ് പ്രസിഡൻ്റായി തെരഞ്ഞെടുക്കപ്പെട്ടു.കെ.സി.ബി.സി യൂത്ത് കമ്മീഷൻ സെക്രട്ടറി ഫാ. ഡിറ്റോ കൂളയിലിന്റെ നേതൃത്വത്തിൽ ആണ് തെരഞ്ഞെടുപ്പ് നടന്നത്.

ഇടുക്കി രൂപതയിലെ പാറത്തോട് പുള്ളിയിൽ സണ്ണി- മേഴ്സി ദമ്പതികളുടെ മകനാണ്. കഴിഞ്ഞ ആറ് വർഷങ്ങളായി ഇടുക്കി രൂപത സമിതിയിലെ സജീവ അംഗമാണ്. രൂപത വൈസ് പ്രസിഡൻ്റ്, സംസ്ഥാന സെനറ്റ് അംഗം, സംസ്ഥാന സിൻഡിക്കേറ്റംഗം എസ്.എം.വൈ.എം സംസ്ഥാന ജനറൽ സെക്രട്ടറി എന്നീ നിലയിൽ പ്രവർത്തിച്ചിട്ടുണ്ട്. നിലവിൽ ഇടുക്കി രൂപത കെ.സി.വൈ.എം പ്രസിഡൻ്റും അധ്യാപകനുമാണ് സാം സണ്ണി.